Fréttir

Miðvikudagur, 25. apríl 2018 - 19:15

Á síðasta aðalfundi FFF kom fram að Reykhólahreppur hyggst reisa brunaskýli í Flatey og hafa sex milljónir verið eyrnamerktar í þetta verkefni.  Ráðgert er að reisa skýlið nú í vor eða sumar og viðræður eru í gangi við smið til að taka að sér verkið. Nú er verið að teikna skýlið sem fer í grenndarkynningu fljótlega.  Staðsetning skýlis verður austan Ráðagerðis við göngustíginn niður að Innstapolli vestan Krákuvarar.

Þriðjudagur, 24. apríl 2018 - 0:45

Framfarafélag Flateyjar stendur fyrir tveimur vinnuferð í eyjuna fögru, nánar tiltekið helgina 11.-13. maí og svo aftur 18.-21. maí (Hvítasunnuhelgin). Fyrir utan að gleðjast með góðu fólki er markmið ferðarinnar að setja saman bekki og lagfæra núverandi stíga og áningarstaði við Tröllenda og inn að Lundabergi. Stjórn FFF hvetur húseigendur til láta sitt ekki eftir liggja og koma að krafti í vinnu þessar helgar.

Þriðjudagur, 17. apríl 2018 - 18:45

Þessa dagana er í undirbúningi kvikmyndatöka í Flatey fyrir myndina Flateyjargáta.  Fyrirhugað er að byrja kvikmyndatöku í byrjun maí og stendur hún til 20. maí samkvæmt áætlun.

Pages