Mikið verður um að vera í Flatey um helgina þegar hinir árlegu Flateyjardagar fara fram. Spáin er príðileg og tilvalið fyrir alla sem tök hafa á að skella sér í eyjuna fögru og gleðjast með góðu fólki. Dagskráin er meðal annars á þessa leið:
Föstudagur
| Kl. 20:30 | Barsvar (Pub quiz) í Saltkjallaranum |
Laugardagur
| Kl. 14:00 | Hátíðarmessa í Flateyjarkirkju |
| Kl. 15:00 | Messukaffi í samkomusal Hótels Flateyjar |
| Kl. 15:30 | Keppt í skemmtilegum leikjum á reitnum fyrir framan Hótel Flatey, hún er öllum opin og verður geggjuð. Verðlaun í boði. |
| Kl. 19:00 | Saltfiskhlaðborð á Hótel Flatey |
Vekjum athygli á að tímasetningar og dagskrá geta breyst lítillega – þetta er jú Flatey þar sem tíminn er afstæður og allir hressir. Hvetjum því fólk til að fylgjast með tilkynningum hér á heimasíðu FFF, Facebook síðunni Flateyingar og almennt á förnum vegi þegar í eyjuna er komið.
Eitt að lokum. Fáir hafa náð að fanga stemmningun á Flateyjardögum jafn vel og Hermann Þór Snorrason gerði í myndbandi fyrir þremur árum. Linkur á myndbandið er hér fyrir neðan, njótið vel og sjáumst hress um helgina.
Myndband frá Flateyjardögum 2016.
Með sumarkveðju,
Stjórn FFF
