Laugardaginn 14. mars var haldinn aðalfundur Framfarafélags Flateyjar í KR heimilinu í Frostaskjóli. Góð mæting var á fundinum og fóru fram líflegur umræður um málefni Flateyjar s.s. koma skemmtiferðaskipa, gjaldtaka á ferðamenn, hafnarmál, flutningur stjórnsýslu í Stykkishólm svo fátt eitt sé nefnt.
Á fundinum voru eftirtaldir kosnir í stjórn Framfarafélags Flateyjar:
Gyða Steinsdóttir – Sunnuhvoli – formaður
Hörður Gunnarsson – Vesturbúðum – varaformaður
Svava Sigurðardóttir – Eyjólfshúsi – gjaldkeri
Daði Sigurþórsson – Bræðraminni – meðstjórnandi
Kristín Ingimarsdóttir – Sólbakka – meðstjórandi
Um kvöldið var síðan Vetrarháhátíð Framfarafélagsins haldin í Fáksheimilinu – Eyjólfshús sá um hátíðina sem tókst í alla staði mjög vel.
Að ári mun Byggðarendi taka við keflinu og sjá um vetrarhátíð 2016.
Umhverfisverðlaunin voru veitt Strýtu – þetta var í annað sinn sem verðlaunin falla þeim Valdimar og Guðrúnu í skaut.
